සිංහලෙන් ඉස්ලාම්.org වෙබ් අඩවිය

website

සියලූම ප‍්‍රශංසා මෙලොව මවා එය නිසි ලෙස පරිපාලනය කරන්නා වූ අල්ලාහ් තාආලාටමය.ඔහු මෙලොව ලක්ෂ සංඛ්‍යාත ජීවීන් මවා ඉන් ශ්‍රේෂ්ඨ ජීවියා ලෙස මිනිසා පත් කොට ඇත.මිනිස් වර්ගයාගේ යහපත පිණිස අනෙකුත් සියලූ මැවීම් මවා ඔහුට ඒවා වශී කරද දී ඇත. එමෙන්ම ඔහුට අවශ්‍ය සියලුම සැපසම්පත් හා සෞභාග්‍යන්ද ඔහු නොඅඩුව කලින් කලට නොඅඩුව ලබා දෙන්නේය. මෙවන් වූ මිනිසා හට කිරීමට අණ කර ඇත්තේ තමාට පමණක් වැඳුම් පිඳුම් කිරීමය. මෙය අල් කුර්ආනයේ පැහැදිලිව මෙසේ සඳහන් වේ.

මිනිස් වර්ගයා හා ජින් වර්ගයා මා වැඳීමට හැර වෙනත් කිසිදු දෙයකට නොමැව්වෙමි (අල්-කුර්ආන් 51:56)

මෙවන් වූ ශ්‍රේෂ්ඨ අර්ථවත් අරමුණකට මවා තිබෙන මිනිසා අද දෙවියන් අමතක කරමින් තමාගේම ආවේණික මාර්ගයකින් ගමන් කරමින් සිටියි. එවන් වූ මිනිසා හට අවසාන වශයෙන් ඉතිරි වන්නේ දුක හා අතපසු වීම් පමණය. එමනිසා මිනිසා නියතවශයෙන්ම ගමන් කළ යුතු මාර්ගය මතක් කිරීමට අල්ලාහ් මිනිස් වර්ගයා හට දඃවා ප‍්‍රචාරය අනිවාර්්‍ය කොට ඇත.

උදාහරණයක් ලෙස ඔබගේම සහෝදරයෙක් ඔබගේ දෑස් ඉදිරිපිටම අනිසි මාර්ගයක ගමන් කොට මහා ප‍්‍රපාතයක ඇද වැටීම ඔබ සිනා සී බලා සිටින්නේද?? කෙසේ හෝ උත්සහ කර ඔහුගේ දිවි ගලවා ගැනීමට වෙහෙසෙනවා නොවේද?? සත්‍ය මාර්ගය වන ඉස්ලාමය පැහැදිලිව තිබෙනා විට අවසන් විමුක්තිය ලබා ගත හැකි ස්වර්ගයේ මාර්ගය පෙනෙනා විට දැන දැන ගොස් අපායට වැටීම ඕනෑකමින් අපායට වැටීම හා සමාන වනවා නොවේද??
එමනිසා සත්‍ය දහම වූ ඉස්ලාමය නිවැරදි අයුරින් ඉගෙන ගෙන එය යුහුසුන්‍දාව සියලු සහෝදරයන් අතර බෙදාගෙන සියල්ලන්ට මග පෙන්වීම මුළු මිනිස් සංහතියම ආරක්ෂා කිරීම හා සමාන වේ. එවන් වූ දෙයක් සඳහා වන පුංචි වෑයමකි මෙම වෙබ් අඩවිය..

අද සමාජයේ ඇති වී තිබෙන ජාතිවාදී ආගම්වාදී අර්බුදයට හේතු වී තිබෙන්නේ නොදැනුවත්කමයි. ලෝකයේ සියලුම ආගම් හා දහම් දේශනා කරන්නේ යහපත ඉටුකර අයහපත අත්හරිනා මෙනි. කිසිදු දහමක් ත‍්‍රස්තවාදය හෝ සොරකම උගන්වන්නේ නැත. නමුත් නොදැනුවත්කම හේතුවෙන් එක් පිරිසක් අනෙක් පිරිසගේ දහමට එහි තිබෙන ප‍්‍රතිපත්ති සංකල්පවලට බැණ වදිති, දොස් නගති. මෙසේ දොස් බැණුම් කිරීමට වඩා ශ්‍රේෂ්ඨ වන්නේ ඇත්තෙන්ම එම ආගමේ ඇති මූලික සංකල්ප කුමක්ද?? එම දහම මෙලොවට කීමට එන පණිවිඩය කුමක්ද?? යන්න දැනගැනීමයි.

එක් අතකින් ඉස්ලාමය අද විවේචනයට ලක් වීමට හේතුවක් ලෙස මුස්ලිම්වරුන්ද සිටිති. එයට හේතුව මුස්ලිම්වරුන් ඉස්ලාමය හා එහි මූලිකාංග පිළිබඳව මුස්ලිම් නොවන සහෝදරවරුන්ට පැහැදිලි විස්තරයක් ලබා දී නොමැතිකමයි. මුස්ලිම් නොවන සහෝදරවරුන්ගේ සිතෙහි තැන්පත් වී ඇත්තේ ඉස්ලාමය ත‍්‍රස්තවාදී දහමක් ලෙසිනි. එයට ශ්‍රේෂ්ඨ උදාහරණයක් වන්නේ මෑතකදී ඇති වූ හලාල් සම්බන්ධ ගැටළුවයි. ඇත්තෙන්ම හලාල් සංකල්පය ලොවට පවසන්නා වූ නියම පණිවිඩය මුස්ලිම්වරුන් සියල්ල එක් වී ඔවුන්ට නියම අයුරින් පැහැදිලි කළා නම් මෙවන් ගැටන්‍දාවක් ඇති වීමට ඇති ඉඩකඩ ඉතා සීමිතය.

අද තාක්ෂණික ලෙස යෝධ පියවරවල් ඉදිරියට තබා ඇති ලෝකයාට ඉස්ලාමයේ මහැඟි පණිවිඩය දීමට හැකිවන්නේ මෙවන් වූ සමාජ ජාලයන් මගිනි. එයට හේතුව බොහෝ දෙනා අද පොතපත කියවීමට වඩා එයට නැඹුරුතාවත් දක්වන බැවිනි. අපගේ උත්සහයට අනුව ඉස්ලාමයේ සුපුවත ඔබට කීමට වෙහෙසෙන්නමු. ඔබත් අප සමග එක්වන්න. ඔබගේ වටිනා ලිපි අපවෙත එවා තබන්න. අපගේ විද්්‍යුත් තැපැල් ලිපිනය:
රෙජිගදරට?ටප්සකගජදප

අල්ලාහ් අප සියලු දෙනා හට යහමග පෙන්වත්වා..ආමින් !!

Comments are closed.